‘ஒனிடா ரீவைர்டு’ என்ற தனது வளர்ச்சிப் பயணத்தின் அடுத்தகட்ட திட்டத்தை அறிவித்துள்ளது. 

• ஒனிடா ரீவைர்டு’:  ஒனிடா எலக்ட்ரானிக்ஸ் – ன் வளர்ச்சி திட்டம் 
  100-அங்குல பிரம்மாண்ட QD Mini LED டிவி அறிமுகம்! 

~சென்னை மற்றும் தமிழக சந்தைகளில் பிரீமியம் தயாரிப்புகள், புதுமை மற்றும் சிறந்த வாடிக்கையாளர் அனுபவம் ஆகியவற்றின் மூலம் இந்தியா முழுவதிலும் விரிவாக்கத்தை இலக்காக கொண்ட வளர்ச்சி உத்தி~

சென்னை, ஜூலை 16, 2026: இந்தியாவின் மிகப்பிரபலமான நுகர்வோர் எலக்ட்ரானிக்ஸ் பிராண்டுகளில் ஒன்றான ஒனிடா எலக்ட்ரானிக்ஸ் லிமிடெட், இன்று ‘ஒனிடா ரீவைர்டு‘ என்ற தனது வளர்ச்சிப் பயணத்தின் அடுத்தகட்ட திட்டத்தை அறிவித்துள்ளது. பிரீமியம் தயாரிப்புகள், புத்தாக்கம், மேம்பட்ட வாடிக்கையாளர் அனுபவம் மற்றும் நிலையான வணிக வளர்ச்சி ஆகியவற்றை மையமாகக் கொண்டு இத்திட்டம் நாடு முழுவதும் செயல்படுத்தப்படவுள்ளது. இதன் ஒரு பகுதியாக, தனது ப்ரீமியம் தயாரிப்பான 100-அங்குல QD Mini LED டிவியை நிறுவனம் அறிமுகப்படுத்தியுள்ளது.

கடந்த நான்கு தசாப்தங்களுக்கும் மேலாக வாடிக்கையாளர்கள் கொண்டுள்ள நம்பிக்கையின் அடிப்படையில், பிரீமியம் நுகர்வோர் எலக்ட்ரானிக்ஸ் பிரிவில் தனது நிலையை மேலும் வலுப்படுத்தும் இந்நிறுவனத்தின் நீண்டகால வளர்ச்சி உத்தியாக  ஒனிடா ரீவைர்டு தொடங்கப்பட்டுள்ளது. தயாரிப்பு கண்டுபிடிப்புகளை விரைவுபடுத்துதல், சில்லறை வர்த்தகம் மற்றும் விநியோக வலையமைப்பை விரிவுபடுத்துதல், விற்பனைக்குப் பிந்தைய சேவைத் திறன்களை மேம்படுத்துதல் மற்றும் தனித்துவமான வாடிக்கையாளர் அனுபவங்களை வழங்குதல் ஆகியவற்றை மையமாகக் கொண்டு இந்த உத்தி வகுக்கப்பட்டுள்ளது. இந்தியாவின் பிரீமியம் நுகர்வோர் எலக்ட்ரானிக்ஸ் சந்தை தொடர்ந்து வளர்ந்து வரும் நிலையில், புத்தாக்க அடிப்படையிலான தயாரிப்புகள் மற்றும் வலுவான சந்தைச் செயல்பாடுகள் மூலம் இந்த மாற்றத்தைப் சாதகமாகப் பயன்படுத்திக் கொள்ள ஒனிடா சிறந்த நிலையில் உள்ளது.

நிறுவனத்தின் அகில இந்திய வளர்ச்சித் திட்டத்தின் ஒரு பகுதியாக, பிரீமியம் ஹோம் என்டர்டெயின்மென்ட் மற்றும் நவீன நுகர்வோர் எலக்ட்ரானிக்ஸ் தயாரிப்புகளுக்கான தேவை அதிகரித்து வருவதைத் தொடர்ந்து, சென்னை மற்றும் தமிழ்நாடு மாநிலம் ஆகியவை அதன் விரிவாக்கத்திற்கான முக்கிய மூலோபாய சந்தைகளாக மாறியுள்ளன. அடுத்த 2-3 ஆண்டுகளில் இந்தியாவில் 100 புதிய அவுட்லெட்களைத் தொடங்கி தனது சில்லறை வர்த்தகத்தை விரிவுபடுத்தவும், அடுத்த 12 மாதங்களில் 400-க்கும் மேற்பட்ட சேவை கூட்டாளர்களை உள்ளடக்கி வாடிக்கையாளர் சேவை அமைப்பை மேம்படுத்தவும் இந்நிறுவனம் திட்டமிட்டுள்ளது.

இந்த நிகழ்வில் உரையாற்றிய ஒனிடா எலக்ட்ரானிக்ஸ் லிமிடெட் நிறுவனத்தின் தலைமை செயல் அதிகாரி மற்றும் நிர்வாக இயக்குனர் திரு. குஞ்சன் ஸ்ரீவஸ்தவா கூறுகையில், “ஒனிடா ரீவைர்டு என்பது, எங்களது அடுத்தகட்ட வளர்ச்சியின் தொடக்கத்தைக் குறிப்பதோடு, மிகவும் வலிமையான, எதிர்காலத்திற்குத் தயாரான ஒரு நுகர்வோர் தொழில்நுட்ப நிறுவனத்தை உருவாக்குவதற்கான எங்களது தொலைநோக்குப் பார்வையை பிரதிபலிக்கிறது. பிரீமியம் தயாரிப்புகள், வலுவான ரீடெய்ல் வர்த்தகம் மற்றும் சேவைத் திறன்கள் மற்றும் மேம்பட்ட வாடிக்கையாளர் அனுபவங்கள் மூலம் எங்களது நிலைமாற்றத்தை நாங்கள் துரிதப்படுத்தும்போது, சென்னை மற்றும் தமிழ்நாடு சந்தைகள் எங்களது வளர்ச்சிப் பயணத்தில் மிக முக்கியப் பங்கு வகிக்கும். தரத்தை விரும்பும் நுகர்வோர் மற்றும் வலுவான ரீடெய்ல் வர்த்தகச் சூழலைக் கொண்டுள்ள இப்பிராந்தியம், தொடர்ந்து எங்களது வலுவான சந்தைகளில் ஒன்றாக விளங்கி வருவதால், எதிர்கால முதலீடுகளுக்கான முக்கிய மூலோபாய முன்னுரிமையாக திகழ்கிறது. எங்களது ப்ரீமியம் தயாரிப்பான 100-அங்குல QD Mini LED டிவியின் அறிமுகம், இந்தியாவிலுள்ள எங்களது வாடிக்கையாளர்கள், கூட்டாளர்கள் மற்றும் பங்குதாரர்களுக்கு நீண்டகால மதிப்பை உருவாக்கும்; அத்துடன் உலகத்தரம் வாய்ந்த தொழில்நுட்பத்தை நுகர்வோருக்கு வழங்குவதற்கான எங்களது அர்ப்பணிப்பின் எடுத்துக்காட்டாகவும் இந்த அறிமுகம் திகழ்கிறது” என்றார்.

இந்த அறிமுகம் குறித்து ஒனிடா எலக்ட்ரானிக்ஸ் லிமிடெட் நிறுவனத்தின் தலைமை வணிக அதிகாரி திரு. ஃபாரூக் பெய்க் கூறுகையில், “பெரிய திரைகள், தியேட்டர் போன்ற அதிவேக சினிமா அனுபவம் மற்றும் வீட்டுத் திரை அனுபவத்தை அடுத்த கட்டத்திற்கு எடுத்துச் செல்லும் ஸ்மார்ட்டான தொழில்நுட்பங்களை நுகர்வோர்கள் இப்போது நாடுகின்றனர். இதுவே பிரீமியம் டிவிகள் பிரிவை வடிவமைத்து வருகிறது. வாடிக்கையாளர்களின் இந்த மாறிவரும் எதிர்பார்ப்புகளைப் பூர்த்தி செய்யும் வகையில், அதிநவீன திரைத் தொழில்நுட்பம், அசாத்தியமான காட்சித் தரம் மற்றும் ஸ்மார்ட்டான செயல்பாடு ஆகியவற்றை ஒன்றிணைத்து எங்களது புதிய 100-அங்குல QD Mini LED டிவியை நாங்கள் உருவாக்கியுள்ளோம். இந்த அறிமுகம், தயாரிப்புகளில் தொடர்ச்சியான புதிய கண்டுபிடிப்புகளை அறிமுகம் செய்வதில் எங்களது அர்ப்பணிப்பை மீண்டும் உறுதிப்படுத்துகிறது. இன்றைய நவீன யுகத்தில் நுகர்வோரின் தேவைகளுக்கேற்ப, எளிதில் அணுகக்கூடியதாகவும் வடிவமைக்கப்பட்ட தொழில்நுட்பத்தின் பயன்பாடு ஒனிடாவின் பிரீமியம் தயாரிப்புகளின் அணிவரிசையை மேலும் வலுவாக்கியிருக்கிறது” என்றார்.

ஒனிடா 100-inch QD Mini LED டிவி – முக்கிய அம்சங்கள்

ஒனிடா எலக்ட்ரானிக்ஸ் லிமிடெட் குறித்து (ONIDA-RE | 751009 | INE831A20010) 

1981-இல் தொடங்கப்பட்ட ஒனிடா எலக்ட்ரானிக்ஸ் லிமிடெட் (முன்னர் MIRC எலக்ட்ரானிக்ஸ் லிமிடெட்), அதன் முன்னோடி கலர் டெலிவிஷன் தயாரிப்புகள் மற்றும் புகழ்பெற்ற “டெவில்” விளம்பரப் பிரசாரத்தின் மூலம் இந்தியாவில் ஒவ்வொரு வீட்டிலும் ஒரு முக்கியப் பெயராக மாறியது. வாஷிங் மெஷின்கள், ஏர் கண்டிஷனர்கள், மைக்ரோவேவ் அவன்கள், பிளாட் பேனல் டிவிகள், மொபைல் ஹேண்ட்செட்டுகள் மற்றும் எல்இடி விளக்குகள் உள்ளிட்ட பல வீட்டு உபயோகப் பொருட்கள் பிரிவுகளிலும் தனது வணிகத்தை ஒனிடா விரிவுபடுத்தியது. தற்போது, 15 கிடங்குகள் மற்றும் நாடு தழுவிய விநியோக வலையமைப்புடன், இந்தியாவின் போட்டி நிறைந்த நுகர்வோர் சாதனங்கள் சந்தையில் புத்தாக்க அடிப்படையிலான வளர்ச்சி மற்றும் தனித்துவமான தயாரிப்புகளை வழங்குவதில் ஒனிடா தொடர்ந்து கவனம் செலுத்தி வருகிறது.