கோபுரம் ஸ்டுடியோஸ் சார்பில் K.பாபு ரெட்டி & G.சதீஷ்குமார் தயாரித்து அறிமுக இயக்குநர் வாலி மோகன் தாஸ் இயக்கத்தில் ஹமரேஷ் நடித்து வெளிவந்த திரைப்படம் ரங்கோலி.
பிரார்த்தனா, சாய் ஶ்ரீ, அக்ஷயா,ஆடுகளம் முருகதாஸ் உட்பட மற்றும் பலர் இப்படத்தில் நடித்துள்ளனர்.
பள்ளியில் படிக்கும் மாணவர்களின் வாழ்க்கையையும்,அவர்களது குடும்பங்களையும் சுற்றிய கதையாக அமைந்துள்ளது.
அரசு பள்ளியில் மகிழ்ச்சியாக படிக்கும் சத்யா என்ற மாணவன் குடும்ப வற்புறுத்தலினால் தனியார் பள்ளிக்கு மாற்றப்படுகிறான். விருப்பமில்லாமல் செல்லும் சத்யா அந்த புதிய பள்ளியின் சூழலை எவ்வாறு எதிர்கொண்டான். அந்த தனியார் பள்ளிக்கு அதிக கட்டணம் செலுத்த வேண்டிய கட்டாயத்தில் அந்த குடும்பம் எவ்வாறு அந்த பிரச்சனையை எதிர்கொண்டது என்பதையும் குடும்ப உறவுகளின் வாழ்வில் நடக்கும் சம்பவங்களை பற்றி எதார்த்தமாக இப்படம் கதை பேசுகிறது.
மாநகரம்,தெய்வத்திருமகள் படங்களில் குழந்தை நட்சத்திரமாக நடித்த ஹமரேஷ், இப்படத்தில் அறிமுக நாயகனாக தனது நடிப்பில் அசத்தியுள்ளார். பிரார்த்தனா, சாய் ஶ்ரீ, அக்ஷயா,ஆடுகளம் முருகதாஸ் தங்கள் கதாபாத்திரத்திற்கு ஏற்றார் போல் சிறப்பாக நடித்துள்ளனர்.
பள்ளி மாணவர்கள் ஒன்றாக கூடி நிற்கும் காட்சி பலரது பள்ளி வாழ்க்கையை ஞாபகபடுத்துவதோடு பெரும் எதிர்பார்ப்பையும் நம்மிடையே ஏற்படுத்தி யுள்ளர் இயக்குனர் வாலி மோகன்தாஸ்.
எட்டு தோட்டாக்கள், ஐரா, ஆகிய படங்களுக்கு இசையமைத்த சுந்தரமுர்த்தி K.S இந்த படத்திற்கு இசையமைத்துள்ளார் படத்தின் பாடல்களை மீண்டும் கேட்க தோன்றுகின்றது
சென்னை சுற்றியுள்ள பகுதிகள் குறிப்பாக ராயபுரம், காசிமேடு மயிலாப்பூர், பட்டினப்பாக்கம் என பல பகுதிகளில் படிப்பிடிப்பை நடத்தியுள்ளனர். ஒளிப்பதிவு மருதநாயகம், படத்தொகுப்பு R.சத்யநாராயணன் மற்றும் கலை இயக்கம் ஆனந்த் மணி செய்துள்ளனர்.
இப்படம் ஒரு குடும்பப்படமாகவும் இப்போதைய பள்ளி மாணவர்களின் வாழ்க்கையை சொல்லும் படமாகவும் உள்ளது.
மொத்தத்தில் ரங்கோலி குடும்பத்துடன் பார்க்க வேண்டிய அருமையான திரைப்படம்
